Duogáš:
Sámi álbmogis lea odne mediafálaldat sihke TV, radio ja čálalaš mediaid bokte.
Dan dihtii ean ilbmet media áššit mat dovdojit unohassan sámi álbmogii. SOS rasisma lea čohkken máŋga artihkkala mat gieđahallet vealaheami sámi álbmoga vuostá. Maŋemuš áiggiid lea earenoamáš fuomášupmi bidjon neahttadigaštallamiidda gosa leat čállon unohasvuođat namakeahtes olbmuin ja man doaimmahusat leat unnán stivren. Nils Martin Kristensen (doaimmaheaddji Guovdageainnu Lágas Radios - GLR) lea váidán Harstad Tidene áviissa PFUii ovtta neahttačállosa dihtii mii su mielas lei earenoamáš unohas sámi galba digaštallama oktavuođas Harstadas. Kristensen vuittii váidalusainis ja Harstad Tidene dubmehalai rihkkon buori preassavieruid.

Doaimmahusaid friddjavuohta ja ovddasvástádus:
Norggas lea medias doaimmahuslaš friddjavuohta. Muhto preassa lea čatnon ehtalaš ieš-hábmejuvvon njuolggadusaide, earet eará Leage Várrugas njuolggadusat ja doaimmaheaddji geatnegasvuođat ja vuoigatvuođat. Jus daid njuolggadusaid rihkku, de dan sáhttá váidit Preassa Fágalaš lávdegoddái (PFU). Vaikko gii sáhttá váidit go beare leat čanastagat áššái ja sáhttá gáibidit čiegusvuođa suodjalusa. Áššiid boarásmanáigi lea 6 mánu ja sáhttá váidit sihke čálalaččat ja elektrovnnalaččat.

Muđui lea govven priváhttaolbmuin dahje govven priváhtta opmodagas dahje suollemas filbmen regulerejuvvon vuoigŋaduodjelágas go lea almmuheamis sáhka.
2011s vuostáiválddii PFU olles 354 ášši ja buvttii cealkámuša 151 áššis. Sáhttá ohcat PFU bases gávdnan dihtii ovddeš cealkámušaid. Obbalaččat sáhttá dadjat ahte Norgga preassa stuorimus váttisvuohta lea vástidangeatnegasvuohta.

Áigeguovdilis liŋkat:
Norgga preassalihttu
Almmolašvuođasiidu
Sámi Journalisttaid Searvi
NRK Sápmi
Ávvir
Ságat