ON julggaštus álgoálbmotvuoigatvuođaid birra álgoálbmotnuoraid várás
SÁMI IEŠMEARRIDEAPMI - AUTONOMIIJA JA IEŠSTIVREN: OAHPAHUS, DUTKAN JA KULTUVRA
Mánáidkonvenšuvdna ja sámi mánát Norggas
ILO-KONVENŠUVDNA NR 169 Giehtagirji
Sámi Iešmearrideapmi : Sisdoallu ja čađaheapmi
 
 
 
 
Promotion and protection of all human rights, civil, political, economic, social and cultural rights, including the right to development
Report of the Special Rapporteur on the rights of indigenous peoples, James Anaya
Report of the Special Rapporteur on the situation of human rights and fundamental freedoms of indigenous people
State of the World’s Indigenous Peoples

 
ON máilmmikonferánsa álgoálbmogiid birra 2014
Suoidnemánnu 9.b. 2012, EMRIP prográmma goalmmát ášši: ON máilmmikonferánsa, mii lágiduvvo 2014is.

Álgoálbmotovddasteaddji máilmmikonferánssa ráhkkananproseassas, John Bernhard Henriksen, muitalii oanehaččat maŋemus ođđasiid ráhkkananproseassas. Henriksen ja Mexico ambassadevra de Alba galgaba ovttasráđiid bargat máilmmikonferánssa organiseremiin ja lágidemiin. Henriksen muitalii ahte mihttu lea válbmet evttohusa čakčamánnui. Dát evttohus sisttisdoallá sihke teknihkalaš beliid ja maid muhtin muddui temahtalaš čuolmmaid.



Govva: Máret Kemi / Gáldu

Norgga ráđđehus rámidii álgoálbmogiid čađahuvvon ráhkkaneami konferánsii. Ráđđehus čujuhii ON váldočoahkkima ja olmmošvuoigatvuođaráđi resolušuvdnii mii deattuhii ahte stáhtat ja álgoálbmogat galggaše ovttas ráhkkananit máilmmikonferánsii.

Álgoálbmotovddasteaddji John B. Henriksen, nammaduvvon váldočoahkkima bokte, gii galgá ovttas Mexico ambassadevrrain de Albain gulahallat máilmmikonferánssa čađaheami birra, oaččui maid doarjaga Norgga ráđđehusas. Ráđđehus čujuhii ahte Henriksen lea álgoálbmotválljejuvvon ovddasteaddji ja dáinna lágiin lea son duohta álgoálbmotovddasteaddji.

Ráđđehus duođaštii maid ahte sii dorjot ruđalaččat ráhkkanan čoahkkima Álaheajus mii lágiduvvo 2013is. Loahpas ávžžuhii Norgga ráđđehus stáhtaid doarjut álgoálbmogiid iešheanalaš ráhkkanemiid boahtte áiggis. Ráđđehus ávžžuhii maid doarjut ON Bistevaš Foruma eaktodáhtolaš foandda.

Álgoálbmotovddasteaddji John B. Henriksen loahpahii ságastallama ja lei duhtavaš buot jurdagiiguin ja evttohusaiguin mat bohte ovdan. Su mielas lea movttidahtti go oažžu doarjaga. Henriksen oaivvilda ahte dát čoahkkin duođašta ahte lea stuora ovttaoaivilvuohta guovtti áššis: álgoálbmogiid ollislaš ja beaktilis oassálastin prinsihpas ja ahte máilmmikonferánssas livččii praktihkalaš bohtosat.

Henriksen dajái maid ahte lea ain ollu ráhkkananbargu báhcán, omd. lea dárbu viidáset gulahallat stáhtaiguin ja álgoálbmogiiguin máilmmikonferánssa temáhtalaš čuolmmaid birra.
Áššedovdi mekanisma lohpidii loahpas beaivvi doarjut álgoálbmogiid ja stáhtaid vai lihkostuváše čađaheamis máilmmikonferánssa 2014is.



Almmuhan: 10.07.2012
Almmuhan: Máret Kemi